Job 7
Ayubu: Mateso Yangu Hayana Mwisho
1 a“Je, mwanadamu hana kazi ngumu duniani?
Siku zake si kama zile za mtu aliyeajiriwa?
2 bKama mtumwa anavyovionea shauku vivuli vya jioni,
au mtu aliyeajiriwa anavyoungojea mshahara wake,
3 cndivyo nilivyogawiwa miezi ya ubatili,
nami nimeandikiwa huzuni usiku hata usiku.
4 dWakati nilalapo ninawaza, ‘Itachukua muda gani kabla sijaamka?’
Usiku huwa mrefu, nami najigeuzageuza hadi mapambazuko.
5 eMwili wangu umevikwa mabuu na uchafu,
ngozi yangu imetumbuka na kutunga usaha.
Ayubu Anamlilia Mungu
6 f“Siku zangu zinapita upesi kuliko mtande wa kufuma,
nazo zinafikia mwisho wake bila matumaini.
7 gKumbuka, Ee Mungu, maisha yangu ni kama pumzi;
macho yangu kamwe hayataona tena raha.
8 hLile jicho linaloniona sasa halitaniona tena;
utanitafuta, wala sitakuwepo.
9 iKama vile wingu liondokavyo na kutoweka,
vivyo hivyo yeye ashukaye kaburini ▼
▼ Kaburini hapa maana yake ni Kuzimu, kwa Kiebrania ni Sheol.
harudi tena.10 kKamwe harudi tena nyumbani mwake;
wala mahali pake hapatamjua tena.
11 l“Kwa hiyo sitanyamaza;
nitanena kutokana na maumivu makuu ya roho yangu,
nitalalama kwa uchungu wa nafsi yangu.
12 mJe, mimi ni bahari, au mnyama mkubwa mno akaaye vilindini,
hata uniweke chini ya ulinzi?
13 nNinapofikiri kwamba kitanda changu kitanifariji,
nacho kiti changu cha fahari kitapunguza malalamiko yangu,
14 ondipo wanitisha kwa ndoto
na kunitia hofu kwa maono,
15 phivyo ninachagua kujinyonga na kufa,
kuliko huu mwili wangu.
16 qNinayachukia maisha yangu; nisingetamani kuendelea kuishi.
Niache; siku zangu ni ubatili.
17 r“Mwanadamu ni kitu gani hata umjali kiasi hiki,
kwamba unamtia sana maanani,
18 skwamba unamwangalia kila asubuhi
na kumjaribu kila wakati?
19 tJe, hutaacha kamwe kunitazama,
au kuniacha japo kwa kitambo kidogo tu?
20 uIkiwa nimetenda dhambi, nimekufanyia nini,
Ewe mlinzi wa wanadamu?
Kwa nini umeniweka niwe shabaha yako?
Je, nimekuwa mzigo kwako?
21 vKwa nini husamehi makosa yangu
na kuachilia dhambi zangu?
Kwa kuwa hivi karibuni nitalala mavumbini;
nawe utanitafuta, wala sitakuwepo.”
Copyright information for
SwhKC